- Lyrics
- Album list
- Singer Intro
鄭進一
-
新營囝仔
Lyricist:鄭進一 Composer:鄭進一 Arranger:張乃仁/王豫民/宋筠
又擱來想起 囝仔時代的日子 感覺心肝內 有講不出來的滋味 有艱苦也有甜 有心酸也有歡喜 雖然經過彼多年 我也未陳放未記
無論親晟亦是厝邊 散赤也未怨妒人有錢 無論朋友亦是兄弟 遇著風雨鬥陣陣避 勤儉奮鬥過日子 打拼不分我甲你 做陣來唱著彼當時 懷念的歌詩
唱一條思相枝 離開故鄉這多年 唱一條舊情綿綿 愛人不知去叨位 唱一條悲情城市 裡面有我也有你 唱出著咱溫暖的過去 唱一條思相枝,唱一條舊情綿綿, 唱一條悲情城市,唱一條送君情淚……
------------------------------------------
10049/《新營囡仔》Sin-iânn Gín-á 鄭進一Tēnn Tsìn-it
又閣來想起 iū-koh lâi siūnn-khí 囡仔時代的日子 gín-á sî-tāi ê ji̍t-tsí 感覺心肝內 kám-kak sim-kuann-lāi 有講袂出來的滋味 ū kóng bē tshut-lâi ê tsu-bī 有艱苦也有甜 ū kan-khóo iā ū tinn 有心酸也有歡喜 ū sim-sng iā ū huann-hí 雖然經過遐濟年 sui-jiân king-kuè hiah tsuē nî 我也袂當放袂記 Find more lyrics at ※ Mojim.com guá iā bē-tàng pàng-buē-kì
無論親情抑是厝邊 bô-lūn tshin-tsiânn ia̍h-sī tshù-pinn 散赤也袂怨妒人有錢 sàn-tshiah iā bē uàn-tòo lâng ū-tsînn 無論朋友抑是兄弟 bô-lūn pîng-iú ia̍h-sī hiann-tī 拄著風雨鬥陣覕 tú-tio̍h hong-hōo tàu-tīn bih 勤儉奮鬥過日子 khîn-khiām hùn-tàu kè ji̍t-tsí 拍拚無分我佮你 phah-piànn bô hun guá kah lí 做陣來唱著 tsuè-tīn lâi tshiùnn tio̍h 彼當時懷念的歌詩 hit-tong-sî huâi-liām ê kua-si
唱一條思雙枝 tshiùnn tsi̍t-tiâu su-siang-ki 離開故鄉遐濟年 lī-khui kòo-hiong hiah tsē nî 唱一條舊情綿綿 tshiùnn tsi̍t-tiâu kū-tsîng mî-mî 愛人毋知去佗位 ài-jîn m̄-tsai khì tó-uī 唱一條悲情城市 tshiùnn tsi̍t-tiâu pi-tsîng siânn-tshī 內面有我也有你 lāi-bīn ū guá iā ū lí 唱出著 tshiùnn-tshut tio̍h 咱溫暖的過去 lán un-luán ê kuè-khì
唱一條思雙枝 tshiùnn tsi̍t-tiâu su-siang-ki 唱一條舊情綿綿 tshiùnn tsi̍t-tiâu kū-tsîng mî-mî 唱一條悲情城市 tshiùnn tsi̍t-tiâu pi-tsîng siânn-tshī 唱一條送君情淚 tshiùnn tsi̍t-tiâu sàng kun tsîng-luī
- Special thanks to W.B. Chen for correcting the lyric.
- Related Links: W.B. Chen
|